சின்ன
விழிக்குருவி செல்லச் சிறகசைக்கத்
தின்ன
உயிர்கொடுத்துத் தீர்வதனால் – கன்னமிட்டுப்போதலினால், கண்டறியாப் பேரலையுள் உன்வலைநான்
ஆதலினால் காதல் சுகம்.
தீப்பிடித்த
நெஞ்சில் தினமும்நீ பாய்வதற்கு
நாப்பிறழ்ந்து
சொற்கள் நடுங்குவதால் - காப்பதற்காய்
ஊதலிலும்
நீயே! ஒலிப்பதுவும் உன்ராகம்
ஆதலினால் காதல் சுகம்.
கொட்டும்
மழைக்குளிரின் கொஞ்சல், அதுமாறத்
திட்டும்
கதகதப்புத் தேன்துளிகள் - விட்டுவிடா
மோதலினால், கொம்பிரண்டால் முட்டியெனைச் சாய்ப்பதுநீ
ஆதலினால் காதல் சுகம்.
எங்கும்
பறக்கின்ற என்னெண்ணத் தேனீக்கள்
தங்கும்
அடை‘உனையே தேடுவதால் – மங்குமுயிர்
வேதனையில் இன்பம் விளைவிக்கும் அற்புதம்நீ
ஆதலினால் காதல் சுகம்.
பித்தம் பெருகிடவே பேரழகைக் கண்குவளை
சித்தம் இறைத்திறைத்துச் சேர்ப்பதனால் – எத்துயரும்
சாதலினால், சொல்மரத்தின் சோலையெலாம் பூவெனநீ
ஆதலினால் காதல் சுகம்.
பட உதவி - நன்றி https://encrypted-tbn2.gstatic.com/images
| Tweet |
வணக்கம் என் ஆசானே,
ReplyDeleteகாதல் சுகம், ஆதலினால் காதல் சுகம், சுகமே
நன்றி.
தங்களது உடனடி வருகைக்கும் கருத்திற்கும் நன்றி பேராசிரியரே!
Deleteவணக்கம்
ReplyDeleteஐயா
காதல் பாடல்கள் ஒரு சுகந்தான்... பகிர்வுக்கு நன்றி த.ம 4
-நன்றி-
-அன்புடன்-
-ரூபன்-
மிக்க நன்றி ரூபன்.
Deleteகாதலினால் கட்டவிழ்த்து ஓடுமாம் கற்பனைகள் ஆதலினால் காதல் சுகம். அரூமையான வெண்பாக்கள் ஐயா.
ReplyDeleteபோதுமெனச் சொல்லாப் பெரும்பசியின் உள்ளிருப்பாய்
Delete[co="red"]ஆதலினால் காதல் சுகம்.[/co]
வருகைக்கும் இனிய குறள் வெண்பாவிற்கும் நன்றி ஐயா.
காதல் சுகம்...அருமை...
ReplyDeleteவெண்பாக்கள் அழகு....வார்த்தைகள் அழகாய் வந்து விழுகின்றன. பாக்கள் எழுத இப்போது... ஆரம்பிக்கும் போது தான் அதன் அருமை தெரிகிறது. உங்களைப்போன்றவர்களின் வெண்பாக்களைப் பார்க்கும் போது மலைப்பாக இருக்கிறது. ஆசையாகவும் இருக்கிறது. சகோ.
வார்த்தைகள் சும்மா விளையாடினால் அல்லவா பாக்கள் அமையும்...!!!!!!!!!!!!!!!!
தம +1
நீங்களும் விளையாடுகிறீர்களே சகோதரி!
Deleteபின் என்ன?
வருகைக்கும் கருத்திற்கும் நன்றி !
ஆதலினால் காதல் சுகம் மட்டுமல்ல ..காதலினால் வரும் உங்கள் பாக்களும் சுகம்தான் :)
ReplyDeleteநன்றி பகவானே!
Deleteவணக்கம் பாவலரே !
ReplyDeleteமாதுளைச் சாறுண்டு மன்மதனாய் ஆனாலும்
மோதும் மனக்கவலை முள்ளெடுக்கும் - மாதவமாய்
கோதும் குழற்கரங்கள் கொண்டுவரும் இன்பங்கள்
ஆதலினால் காதல் சுகம் !
ஆதலினால் காதல் சுகம் !
அருமை அருமை பாவலரே தொடர வாழ்த்துக்கள்
வாழ்க வளமுடன்
தமிழ்மணம் கூடுதல் ஒரு வாக்கு !
வணக்கம் கவிஞரே!
Deleteமாது(உ)ளம் கொண்டதனால் மாம்பூவில் வண்டாகி
ஏதுமறி யாமன(து) ஏங்குவதால் - சீதளப்பூம்
பாதம் படும்நெஞ்சில் பாதை புலனைந்தும்
[co="red"]ஆதலினால் காதல் சுகம்[/co]
நன்றி.
வணக்கம் கவிஞரே,
Deleteமன்மதன் கரும்புச்சாறு எனில்,,,,,,,,,
அது என்ன மாதுளைச்சாறு,,,,,,,,,,,
நன்றி,
வணக்கம் கவிஞரே,
Deleteமன்மதன் கரும்புச்சாறு எனில்,,,,,,,,,
அது என்ன மாதுளைச்சாறு,,,,,,,,,,,
நன்றி,
சத்தியமாய் சொல்லுகிறேன் நான் ரசித்து !!!
ReplyDeleteபுத்தியும் கொஞ்சம் போதைதனில் தள்ளாட
கத்திபோல் உள்ளமதை கீறிடுதே இக்கவிதை
ஆதலினால் காதல் சுகம்!!!!
வணக்கம் சகோதரி!
Deleteஎண்ணம் பெருமீனாய் ஏழ்கடலும் நீந்த‘அவள்
கண்ணச் சிறுகுளத்தில் கட்டுண்டேன் - ஒண்ணுதலாள்
ஏது மறியாள்போல் எல்லாம் அறிந்திருப்பாள்
[co="red"]ஆதலினாள் காதல் சுகம்.[/co]
( கண் + அச் = கண்ணச் ; கண், அந்த )
நன்றி.
அருமை... இனிமை...
ReplyDeleteநன்றி ஐயா.
Deleteஆதலினால் காதல் சுகம் என்ற ஈற்றடியை வைத்து பின்னப் பட்ட வெண்பாக்கள் அனைத்தும் அற்புதம் . இதை வைத்து ஒரு போட்டியே வைத்திருக்கலாம்
ReplyDeleteஆதலினால் காதல் சுகம் என்ற ஈற்றடியை வைத்து பின்னப் பட்ட வெண்பாக்கள் அனைத்தும் அற்புதம் . இதை வைத்து ஒரு போட்டியே வைத்திருக்கலாம்
ReplyDeleteஆதலினால் காதல் சுகம் என்ற ஈற்றடியை வைத்து பின்னப் பட்ட வெண்பாக்கள் அனைத்தும் அற்புதம் . இதை வைத்து ஒரு போட்டியே வைத்திருக்கலாம்
ReplyDeleteவருகைக்கும் பாராட்டிற்கும் நன்றி ஐயா.
Deleteபோட்டி என்றால் எனக்குத் தோல்விதான் பரிசு :(
நன்றி
தங்கி மனச்சிறையில் சாய்துறங்கப் பார்த்திருக்கும்
ReplyDeleteஎங்குமே ஏக்கமதை ஏந்திநிற்கும் -அங்கமதில்
வேதமென ஓதியே வீற்றிருக்கும் ஆவலதும்
ஆதலினால் காதல் அழகு.
வாருங்கள் கவிஞரே!
Delete“ ஆதலினால் காதல் அழகு ” இதுவும் அழகுதான்.:)
எனவே உங்களுக்கு பதில் வெண்பா கூற என்னால் முடியுமா? :))
உங்களின் வருகைக்கும் கருத்திற்கும் நன்றி.
பதவுரை கருத்துரை தேடினேன் ஆதலினால் காதல் அழகு காதல் செய்வதும்......?
ReplyDeleteவணக்கம் ஐயா.
Deleteமன்னிக்கவும்.
இதற்கு உரை எழுத முடியாத சூழல்.
காதல் அழகு ?
தங்களது வருகைக்கும் கருத்திற்கு நன்றி.
உங்கள் கவிதைகளை படிப்பதானல் எங்களுக்கு சுகம்! அருமையான கவிதைகள்! வாழ்த்துக்கள்!
ReplyDeleteதங்களது வருகைக்கும் கருத்திற்கும் மிக்க நன்றி திரு தளிர் சுரேஷ்.
Deleteவெங்கனலில் நானிங்கு வெந்தாலும் காப்பதற்கு
ReplyDeleteபொங்குதடி உன்காதல் பூமழையாய்- அங்கிருந்து
ஈதலினால் இன்னும் இருக்கின்றேன் சாகாமல்.
ஆதலினால் காதல் சுகம்.
வணக்கம் அண்ணா!
Deleteகாத வழிபோகக் கண்ணீர்த் திரைமறைத்து
நோதல் தணித்தென்னில் நிற்பாளை - பேதமறப்
போதம் அழித்தவளின் போர்க்களத்தில் நான்சரணே
[co="red"]ஆதலினால் காதல் சுகம்![/co]
நன்றி.
கற்றத் தமிழென்னைக்-அன்று
ReplyDeleteகைதூக்கி விட்டாலும்
உற்ற நண்பரென-இன்று
உம்போன்றர் துணையுடனே-
பெற்றேன் பெரும்பெறே-முதுமை
பெற்றாலும் துயராற
கற்றேன் ஆதலினால்-கவிதையில்
காதல் அழகு!
ஐயா வணக்கம்.
Deleteதங்களின் அன்பிற்கும் அழகிய கவிதைக்கும் நல்கும் ஊக்கத்திற்கும் மிக்க நன்றி.
எல்லோரையும் போல வெண்பா மூலமே பாராட்டுரை வழங்க எனக்கும் ஆசை தான்! ஆனால் எனக்கு வெண்பா எழுதத் தெரியாதே! அருமையான பாடலுக்குப் பாராட்டு!
ReplyDeleteவணக்கம் சகோதரி.
Deleteஉங்கள் ஆசை எளிதாய் நிறைவேற இந்தப் பதிவைப் பரிந்துரைக்கிறேன்.
தங்களின் வருகைக்கும் கருத்திற்கும் நன்றி.
உங்கள் பரிந்துரைக்கு மிகவும் நன்றி. பொறுமையாக வாசித்து விட்டு முயல்கிறேன்.
Deleteகாதலும் சுகம்;அதைச் சொன்ன இக்கவிதையும் சுகம்
ReplyDeleteதங்களின் வருகைக்கும் கருத்திற்கும் மிக்க நன்றி ஐயா.
Deleteகாதல் பற்றி இதுபோல் சுவாரஸ்யமான பதிவுகளை படிப்பதும் சுகம்.
ReplyDeleteஉண்மையாகவா ?
Deleteமகிழ்ச்சி :)
நன்றி.
அழகு தமிழில் பிழையில்லா காதல் ஆதலினால் காதல் சுகமே! தேன்மதுரத் தமிழ் காதினில் பாய இன்பக் காதல் மனதினில் இறங்கிட ஆதலினால் காதல் சுகமே!
ReplyDeleteஆசானே கலக்கி விட்டீர்கள்! ம்ம்ம் எங்கள் மனதினை! ஆதலினால் காதல் சுகம் என்று சொல்லி!
தங்களின் தொடர் ஊக்கத்திற்கு நன்றி ஆசானே.
Deleteசிட்டுக் குருவி சிறகடிக்க வும்நெஞ்சில்
ReplyDeleteகட்டுக் கடங்காத கற்பனையோ - முட்டிதினம்
வேதனை செய்தாலும் வெல்தமிழைச் சொல்லினிமை
ஆதலினால் காதல் சுகம் !!!
நெஞ்சம் நினைந்துருகி நித்தம் நெருப்பிடை
தஞ்சம் அடையும் தவிப்பிருக்க - கெஞ்சுகின்றயே
காதல் இரப்பதுவும் கண்ணீர் இனிப்பதுவும்
ஆதலினால் காதல் சுகம்!!!
அழகாக சொன்னீர்கள் காதலின் உணர்வை மிக்க நன்றி பதிவுக்கு !தொடர வாழ்த்துக்கள் ...!
மொட்டு விரிவதுபோல் மோனம் விழிதிறந்து
Deleteகட்டும் தளையறுத்த காட்டாற்றில் - திட்டமிலாப்
போதலெனு மின்பப் புயல்வந்து பூத்தூவும்
[co="red"]ஆதலினால் காதல் சுகம்[/co]
வருகைக்கும் அழகிய வெண்பாக்களுக்கும் நன்றி அம்மா.
ஆய்வுகள் சோதனைச் சாலையில் மட்டுமே செய்யப் படுவதில்லை ...
ReplyDeleteவாழ்த்துக்கள் ..
சோதனை
வெற்றிகளை கொணர்ந்திருக்கிறது
தம+
நன்றி தோழர்.
Deleteஅன்புள்ள அய்யா,
ReplyDeleteகொம்பிரண்டால் வம்புபண்ணும் கொம்பன் தமிழ்மகன்
கம்பன்போல் பாடும் கவிஞனே! - எண்ணத்தின்
காதலினால் தேன்பாவாய்க் கானம் இசைத்தாயே!
ஆதலினால் காதல் சுகம்.
நன்றி.
த.ம. 16
நன்றி ஐயா.
DeleteThis comment has been removed by the author.
ReplyDeleteThis comment has been removed by the author.
ReplyDelete
ReplyDeleteவணக்கம்!
மோனை யிலாதஇவ் வீற்றடியில் முற்றடைத்
தேனை அடைத்துச் செய்தகவி - ஊனையும்
மெல்ல உருக்கும்! வியக்கின்ற வெண்பாக்கள்
சொல்லச் சுரக்கும் சுகம்!
ஈதலினால் இன்பம்! இளம்விழிகள் தாமுண்ணும்
மோதலினால் இன்பம்! முதுதமிழை - வேதமென
ஓதலினால் இன்பம்! உயிரொளி உற்றுவக்கும்!
ஆதலினால் காதல் அமுது!
கவிஞர் கி. பாரதிதாசன்
தலைவர்: கம்பன் கழகம் பிரான்சு
ஐயா வணக்கம்.
ReplyDeleteதங்களின் வருகைக்கும் அழகிய வெண்பாக்களுக்கும் மிக்க நன்றி.
முதல் வெண்பாவின் இரண்டாம் அடியில் இரண்டு மற்றும் மூன்றாம் சீர்களைக் கவனிக்க வேண்டுகிறேன். ( அடைத்துச் செய்தகவி)
நன்றி
Deleteஐயா வணக்கம்!
அடைத்திங்குச் செய்தகவி
என்றுதான் எழுதினேன்!
ஆனால் மூன்றாம் முறையும் அழைத்துச் செய்தகவி என்றே வந்துள்ளது!
நான் முதலில் நகல் எடுத்ததையே ஒட்டியுள்ளேன். என்பதை இப்போது உணர்ந்து கொண்டேன். பொறுத்தாற்றுக.